• AULA DE CINE

    L’Aula de Cine de Llaboral Cinemateca naz cola mira d’ufiertar una educación específica nel arte de la cinematografía, ofreciendo a la comunidá educativa asturiana un recursu didácticu percompletu que va dexar a los docentes esplicar n’aula venti conceptos básicos y fundamentales del llinguaxe cinematográficu, ilustraos con fragmentos de películes destacaes de la historia del cine y biofilmografíes de los sos directores.

    Como conteníu tresversal, los usuarios de la plataforma van atopase cola posibilidá de construyir una periodización de la historia del cine y una clasificación elemental de los xéneros cinematográficos, amás de con menciones a otres películes y cineastes. Los conteníos del Aula desenvolviéronlos ex profeso Fernando de Felipe Allué y Joan Marimón Padrosa, dos especialistes reconocíos de la docencia y la crítica de cine que tienen una esperiencia cinematográfica amplia.

    L’Aula de Cine ufiértase en castellanu, asturianu, inglés y francés col propósitu d’enanchar el so ámbitu d’utilización didáctica a materies diferentes de los planes d’estudiu actuales.

    Visita la web d’Aula de Cine.

     

     apps-cinemateca-rosa-lab_700